international fund monetary 43

’پاکستان کی جانب سے بجٹ میں 733 ارب 50 کروڑ روپے کے نئے ٹیکس لگائے، پارلیمنٹ کو 516 ارب بتائے‘

آئی ایم ایف عالمی مالیاتی ادارے نے پاکستان کی معیشت پر رپورٹ جاری کردی۔

imf and pakistan

آئی ایم ایف کی جاری کردا رپورٹ میں بتایا گیا ہےکہ پاکستان کو آئندہ ماہ بجلی کے ریٹس ڈھائی روپے فی یونٹ بڑھانا ہوں گے، پاکستان نے اپنے بجٹ میں 733 ارب 50 کروڑ روپے کے نئے ٹیکس لگائے ہیں، پارلیمنٹ کو بتایا گیا کہ 516 ارب روپے کے ٹیکس لگائے گئے ہیں جو حقیقت میں 733 ارب 50 کروڑ روپے کے تھے۔

رپورٹ کے مطابق اسٹیٹ بینک اور نیپرا کی خود مختاری کا بل دسمبر 2019 میں پارلیمنٹ میں پیش کیا جائے گا، بجلی کی قیمت کا نیا ٹیرف اگست 2019 میں جاری کیا جائے گا، اوگرا کی خود مختاری کا ترمیمی بل پارلیمنٹ میں پیش کیا جائے گا، نیپرا 2020 کے بجلی ٹیرف کا اعلان ستمبر 2019 میں طے کرے گا، پاکستان گیس سیکٹر کے واجبات کی وصولی یقینی بنائے گا، گیس واجبات کی وصولی کا پلان ستمبر 2019 میں پیش کیا جائے گا۔

آئی ایم ایف کی رپورٹ میں کہا گیا ہےکہ پاکستان نے بجلی کی پوری پیداواری قیمت صارفین سے وصول کرنے کا فیصلہ کیا ہے، بجلی کی پوری قیمت وصول کرنے سے گردشی قرضہ ختم ہوگا۔

رپورٹ کے مطابق رواں سال مہنگائی کی شرح 13 فیصد تک جائے گی، اگلے سال پاکستان میں مہنگائی کی شرح 8.3 فیصد رہے گی، رواں سال پاکستان کا بجٹ خسارہ 7.3 فیصد اور اگلے سال خسارہ 5.4 فیصد رہے گا۔

پاکستان کو ایف اے ٹی ایف کی سفارشات پر اکتوبر 2019 تک عمل کرنا ہوگا، 2020 میں قرضوں کی شرح بلحاظ جی ڈی پی 80.5 فیصد تک پہنچ جائے گی،2024 میں قرضوں کی شرح بلحاظ جی ڈی پی 67 فیصد تک پہنچ جائے گی، 2024 میں کرنٹ اکاؤنٹ خسارہ جی ڈی پی کے 2 فیصد سے کم ہوجائے گا، سماجی شعبے کے تحفظ کے لیے بجٹ میں 50 ارب روپے مختص کیے گئے ہیں۔

رپورٹ میں کہا گیا ہےکہ آئی ایم ایف کا پیکج مکمل ہونے تک پاکستان کوئی نئی ایمنسٹی اسکیم نہیں لا سکے گا جب کہ پاکستان کو فنانشل ایکشن ٹاسک فورس (ایف اے ٹی ایف) کے 27 نکات پر عملدرآمد کو یقینی بنانا ہوگا۔

آئی ایم ایف کی رپورٹ کے مطابق رئیل اسٹیٹ سیکٹر او زرعی آمدن پر ٹیکس لگانے کی یقین دہانی کرائی گئی ہے، ٹیکس مراعات اور چھوٹ ختم کرنے پر اتفاق ہوا ہے، پراپرٹی کی قیمتیں مارکیٹ ویلیو کے قریب لانے کی یقین دہانی کرائی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں